Kuvendi i ka rrëzuar dy kandidatura Presidentit Ilir Meta përsa i takon kreut të ri të KLSH-së.
Por cili është emri që do të mbështeste mazhoranca në krye të institucionit që kontrollon shpenzimin e financave publike?
Kryetari i Komisionit të Ligjeve, Ulsi Manja, në studion e Report Tv, do të deklaronte se maxhoranca do votojë atë propozim që përmbush kriteret ligjore. I pyetur nëse shumica do votonte deputetin Anastas Angjeli, nëse emri i tij do shkonte si dekret i kreut të shtetit, Manja tha se ai i plotëson të gjitha kriteret.
“Ne i qëndrojmë zbatimit të kushteve dhe kritereve që ka përcaktuar ligji. Nëse kandidatura do të plotësojë kushtet dhe ka cilësitë e duhura profesionale dhe morale, integritetin e duhur, pse jo maxhoranca është e hapur për këtë lloj luajaliteti mes presidentit dhe qeverisë. Z.Angjeli është doktor i fushave ekonomike.
I plotëson të gjitha kriteret”, theksoi kreu i komisionit të ligjeve, Ulsi Manja.
