Erëra të forta dhe reshje të dendura shiu do të përfshijnë Greqinë ditën e mërkurë, njoftoi shërbimi meteorologjik i Observatorit Kombëtar të Athinës.
Sasi të mëdha të pluhurit dhe rërës Sahariane do të përfshijnë pjesët jugore të vendit, aq sa shiu do të jetë si baltë.
Pjesa më e madhe, pjesa qendrore, lindore dhe jugore e Greqisë do të preken, nga reshje të mëdha, ndërsa zonat më të prekura do të jenë Sterea, Peloponez, Kreta dhe ishujt e Detit të Egjeut Jugor dhe Detit Jon.
Gjithashtu parashikohen reshje të mëdha bore në lartësitë e Peloponezit dhe Greqisë qendrore.
Erërat e forta do të shkaktojnë dallgë 8-9 ballë, në Egje dhe Detin Jon, duke shkaktuar ndoshta ndërprerje të udhëtimeve me target.
Fenomeni gradualisht do të fillojë të bjerë nga e enjtja, edhe pse nivelet e grimcave, duke përfshirë pluhurin Saharian dhe rërën e hollë, do të mbeten veçanërisht të larta, në mëngjes.
Të enjten, erërat pritet të ndryshojnë drejtimin drejt veriut.
Të premten, kushtet atmosferike të dimrit do të kufizohen vetëm në pjesët lindore të Greqisë.
