Lagjja “Kastrioti” në Fushë-Krujë dhe disa zona periferike kanë mbetur 36 orë pa energji elektrike, për shkak të defekteve të shkaktuara në shtylla nga intensiteti i erës. Nga ora 23:00 e mbrëmjes së të dielës e deri më tani, rreth 5 mijë banorë janë pa energji elektrike.
Sipas raportimeve mediatike, energjia elektrike u rikthyer fillimisht rreth orës 21:00 dhe u shkëput rreth orës 23:00. Gjithashtu raportohet se ndërprerja e energjisë elektrike ka sjellë shqetësim për banorët e Fushë-Krujës, e sidomos tek të moshuarit dhe tek foshnjat të cilët nga mungesa e ngrohjes kanë shfaqur probleme shëndetësore.
Duhet theksuar se këto dy lagje janë pagues të rregullt të energjisë elektrike.
Operatori i Shpërndarjes së Energjisë Elektrike nuk ka dhënë asnjë sqarim lidhur me situatën. /BN/
