Në formularin e publikuar nga Komisioni Qendror i Zgjedhjeve, Kryetari i Bashkisë së Kurbinit, Artur Bardhi, ka përdorur katër emra të ndryshëm në të kaluarën e tij.
Pas akuzave të Partisë Demokratike në drejtim të tij, krytari Bardhi i ka cilësuar ato si të turpshme.
Kryebashkiaku i Kurbinit deklaron se emrat e shënuar në formularin e publikuar nga Komisioni Qendror i Zgjedhjeve janë përdorur prej tij në kohën kur ka qenë ende fëmijë. Në një intervistë për “Panorama”, Bardhi shprehet se bëhet fjalë për vitet 1992-1993, kur si emigrant në Itali është ndaluar disa herë nga policia italiane për çështje dokumentacioni dhe ka dhënë identitete të rreme.
Kreu i Bashkisë së Kurbinit shprehet se historia e tij është e njëjtë me atë të shumë shqiptarëve që kanë emigruar në vitet 90’, kur për mungesë të dokumentacionit janë detyruar të jepnin emra të rremë për të mos u kthyer në Shqipëri.
