Ish-kryebashkiaku i Peshkopisë Shukri Xhelili mbërriti në ambientet e Gjykatës së Krimeve të Rënda për t’u njohur me masën e sigurisë, pas akuzave se ka abuzuar me postin për favore seksuale ndaj një 20-vjeçareje që e kishte punësuar.
Gjykata vendosi masën e sigurisë arrest me burg për Shukri Xhelilin. Seanca u zhvillua me dyer të mbyllura.
Dy ditë më parë, ndaj Xhelilit u vendos masa e sigurisë “arrest me burg” nga Gjykata e Dibrës.
Shukri Xhelili, u arrestua nga policia mesditën e së hënës.
Prokuroria kërkoi në gjykatë gjatë vlerësimit të masës së sigurisë për Shukri Xhelilin, “arrest me burg”.
Gjykata e Dibrës vendosi të pranojë këtë kërkesë ndaj Xhelilit , i dyshuar për veprën penale të “Korrupsionit pasiv”, në formën e kërkimit të favoreve seksuale ndaj shtetases A.A, në këmbim të emërimit në një vend pune në strukturat e varësisë së Bashkisë Dibër.
