Trajneri i Kombëtares, Kristian Panuçi, është ndalur të komentojë situatën e Interit, në një intervistë për mikrofonët e RAI Sport.
Italiani thekson se ekipi ka nevojë për lojtarë të mëdhenj që të bëjnë edhe diferencën në një kompeticion si ai i Ligës së Kampionëve, gjë të cilën e kishte përmendur edhe më parë për kombëtaren tonë.
“Eliminimi që në fazën e grupeve, pas barazimit me PSV, tregon se ende nuk e ke diçka në ekip. Ekziston një hapësirë, për të cilën duhet reflektuar. Duhen lojtarë të mëdhenj dhe të fortë për të fituar. Marota? Ai është padyshim një drejtues i madh, një blerje e madhe për Interin. Por, siç e thashë, duhen lojtarët në fushë për të fituar” – u shpreh Panuçi.
