Katër ditë pas video-skandalit seksual, policia ka vënë në pranga ish-kreun e Bashkisë Peshkopi, Shukri Xhelili, me akuzën për korrupsion. Me kërkesë të Prokurorisë për Krime të Renda, gjykata ka vendosur sot masën e sigurisë “arrest në burg” për Shukri Xhelilin. Ai akuzohet për veprën penale të “Korrupsionit pasiv…” në formën e kërkimit të favoreve seksuale prej shtetases A.A., në këmbim të emërimit në një vend pune në strukturat e varësisë së Bashkisë Dibër. Vendimi i gjykatës është ekzekutuar sot nga ana e forcave të Policisë së Shtetit.
Xhelili u përfshi në një skandal seksual, pas publikimit të videos në TV Ora News ku ai shfaqej duke ngacmuar seksualisht një 20-vjeçare, të cilës i kishte premtuar punë dhe më pas rritje rroge.
Xhelili u shfaq në video fillimisht duke folur me një fjalor aspak zyrtarnë zyrën e tij, teksa tentonte të puthte vajzën me iniciale A.A. dhe më pas në dhomën e hotelit me të brendshme.
