Studentët kanë paralajmëruar sërish protestë nesër duke mos hequr dorë nga kërkesat e tyre.
Njoftimi:
Protesta e studentëve të Arkitekturës dhe Inxhinierisë së Ndërtimit rinis nesër në orën 08:00.
“Studentët e Fakultetit të Arkitekturës dhe Urbanistikës kanë mbledhur më shumë se 1200 nënshkrime në peticionin dorëzuar Dekanit të fakultetit, ku kërkojnë:
- Heqjen e pagesës për kredite të provimeve të mbartura;
- Shtyrjen e afatit të pagesës së tarifës vjetore;
- Pagesën me këste të tarifës.
Studentët kanë lënë afat deri nesër në orën 08:00 për të marrë një përgjigje pozitive për kërkesat, në të kundërt do të vazhdojnë bllokimin e fakultetit dhe protestën deri në realizimin e kërkesave.”
