20 deputetë të Parlamentetit Europian janë bërë bashkë ku kërkojnë nga presidenti i KE-së dhe presidenca austriake e BE-së, ku kërkojnë liberalizimin e vizave për shtetasit e Kosovës në mënyrë urgjente.
Lajmin e ka bërë të ditur eurodeputeti Eduard Kuka, i cili me anë ë një postimi në rrjetet sociale shkruan: “Letra e hapur nga @tfajon, unë dhe 20 kolegë të deputetëve të parlamentit që kërkojnë regjim pa viza për Kosovën. Ne besojmë që VL do të përmirësojë stabilitetin dhe do ta sjellë Kosovën më afër 🇪🇺”
Firmëtarët janë 20 anëtarë të Parlamentin Europian, ku përveç Eduard Kukan, spikasin Knut Fleckenstein, Tanja Fajon, Ivo Vajgl, etj.
Ata theksojnë gjithashtu se në muajin korrik të këtij viti, Komisioni Europian konfirmoi përmbushjen nga Kosova të dy “kërkesave të posaçme” që kushtëzonin liberalizimin e vizave siç ishte demarkacioni me Malin e Zi dhe lufta kundër krimit dhe korrupsionit. Nisur nga këto të dhëna ata thonë, se liberalizimi i vizave është një kusht që vendi të mos ndihet i izoluar dhe të prekë nga afër realitetin europian. Firmëtarët kërkojnë përfshirjen në rendin e ditës të kësaj çështjeje, në seancat më të para dhe pa asnjë vonesë më shumë.
https://twitter.com/EduardKukan/status/1069946958117253120
