Barcelona ka shmangur çdo surprizë, duke fituar titullin kampion për herë të 24-t në historinë e saj, pasi mposhti 3-0 Granada me tre gola të shënuar nga Luis Suarez, i cili fitoi “këpucën e artë”, si golashënuesi më i mirë me 40 gola. Barça grumbulloi 91 pikë, një më shumë se Real Madrid, që fitoi 2-0 ndaj Deportivo La Coruna, me gola të shënuar nga Cristiano Ronaldo.
Në momentin që u mposht nga Atletico, Barcelona duhet t’i fitonte të katër ndeshjet e mbetura për të mbrojtur “kurorën” dhe ia doli pa pësuar gol. 8-0 ndaj Deportivo, 6-0 ndaj Gijon, 2-0 ndaj Betis dhe 3-0 ndaj Granada. Luis Suarez shënoi golin e parë, në mesin e pjesës së parë, me portën e boshatisur, pas pasimit të marrë nga Jordi Alba.
Granada – Barcelona Live Score
Suarez shënoi dhe golin e dytë kur u mbush gjysmë ore lojë, këtë herë i shërbyer nga mbrojtësi i djathtë, Dani Alves. Krahas 40 golave, Suarez ka dhënë edhe 16 asiste në këtë kampionat ku ka kontribuar në 56 në 112 nga golat e shënuar prej Barcelonës në La Liga (50%). Katër minuta para fundit, Luis Suarez shënoi edhe golin e tretë, i ndihmuar nga Neymar. Në dy sezone me Luis Enrique si trajner ka fituar dy herë titullin.
Deportivo La Coruna – Real Madrid Live Score
Real Madrid ushtroi deri në fund presion ndaj Barcelonës, duke fituar 2-0 ndaj Deportivo, me dy gola të shënuar nga Cristiano Ronaldo, por duhet të pajtohet me vendin e dytë në La Liga. Skuadra e Zidane do të luajë në finalen e Champions League, kundër Atletico, vendi i tretë në La Liga, ndërsa Barcelona do të luajë në finalen e Kupës së Mbretit kundër Sevilla.
