“A ke ndonjë makinë tek lagja jote që të të sjellin në spital, se këta shoferët tanë nuk dinë me ardh!” Ky ka qënë shërbimi “i shpejtë dhe korrekt”, që i ka ofruar mbrëmjen e djeshme një qytetari shkodran, Spitali Rajonal i Shkodrës.
I sëmuri, që arriti t’i mbijetojë me forcat e veta sëmundjes dhe pa ndihmën e “shëndetësisë falas”, e ka denoncuar sot skandalin tek ish-kryeministri Sali Berisha, që ka nxjerrë këtë konstatim: “Ky është shërbimi i urgjencës në Narkoshtetin e Noriegës! Lexoni mesazhin e të sëmurit dixhital,” shkruan Berisha në Fb.
Dhe ja rrëfimi i trishtë:
Mirëmëngjes zoti Berisha. Unë dua të denocoj një rast tek ti se je e vetmja rrugë. Si mund të shprehem. Mbrëmë isha i sëmurë në gjendje të keqe e thirra ambulancën e Spitalit Rajonal të Shkodrës. Aty m’u përgjigj një grua.
I thashë “jam i sëmurë, kam nevojë për ambulancë”.
Mëe tha “a ke ndonjë makinë tek lagja jote që të të sjellin në spital, se këta shoferët tanë nuk dinë me ardh!”
Unë i thashë “nuk ma hap njeri telefonin në këtë orë e më duhet ambulanca se jam i sëmurë”, ajo me mbylli telefonin.
