Iquajtur “Escobari i Ballkanit”, baroni i drogës, financuesi i rrjetit të trafikut dhe me lidhje të forta në qeverinë shqiptare është një sarandiot 44-vjeçar me incialet K.B. Kështu shkruajnë mediat greke, të cilat raportojnë për sasinë e madhe të drogës që mbërrin në ishujt grekë dhe se 44-vjeçari ishte financuesi kryesor i rrjetit të trafikut, financues i një partie opozitare në Greqi, me lidhje në qeverinë shqiptare dhe në qendër të akuzave të opozitës shqiptare për trafik droge.
“Edhe pse ai u akuzua nga opozita shqiptare për trafik droge, në vitin 2014 mori postin e drejtorit të Transportit të Sarandës, ku gjatë kësaj kohe u sumua nga opozita shqiptare për trafik droge, ” – raportojnë mediat greke.
Po kush është 44-vjeçari nga Saranda i denoncuar nga opozita?
Ai është Klemend Balili, i cili aktualisht mban postin e Drejtorit të Transportit Rrugor të Sarandës.
Mediat greke
Pas aksionit antidrogë të zhvilluar një ditë më parë në Zakynthos, mediat greke flasin për një shqiptar, të cili e etiketojnë si baronin e drogës, apo “Pablo Escobarin” e Ballkanit.
Sipas mediave greke, ai është 44-vjeçar, biznesmen i njohur dhe që ka lidhje të fuqishme me politikën. Pa i përmendur emrin, mediat shkruajnë se 44-vjeçari financonte një parti të opozitës greke. Ai mbante lidhje me një 46-vjeçar grek, drejtues i lartë i Mafias Greke.
Banda kriminale e trafikut kishte lidhje të fuqishme në Belgjikë, Holandë, Shqipëri, Maqedoni dhe Greqi. Dyshohet se kanabisi vinte nga Shqipëria për t’u shpërndarë më tej në Evropë. Mediat greke shkruajnë se droga mbërrinte kryesisht me skaf nga Joni i Shqipërisë dhe stacionohej kryesisht ne Zakynthos.
Më pas, përdorej transporti me kamionë, modifikuar me vende të posaçme për maskimin e drogës. Hetuesit, duke investiguar rastin në fjalë thonë se organizata gjeneronte aq shumë para sa mund të shlyej borxhi i madh grek.
DENONCIMI
Në datën 18 Maj 2014, Arben Ristani denoncoi publikisht një emërim me rekorde kriminale ne Sarandë. Një kronikë e paralajmëruar, qe sot ishte pjese e investigimit te vitit ne Greqi.
DEKLARATA E PLOTË e RISTANIT
Emërimi në poste kyçe të personave me precedent të rrezikshëm kriminalë, është një nga arsyet pse trafiku i drogës ka lulëzuar në çdo cep të Shqipërisë.
Edi Rama ka treguar me të vërtetë vendosmëri në përfshirjen në administratë të këtyre personazheve, që shpesh kanë bërë bujën e kronikës së zezë në vend.
Klemend Balili është arrestuar ne korrikun e vitit 2006, me 750 kilogramë kanabis.
Aksion i suksesshëm i policisë në atë kohë, pasi i arrestuari dyshohej se drejtonte një klan kriminal në Sarandë e përreth.
Sot, Edi Rama, njeriun e 750 kilogramëve kanabis, e ka bërë Drejtor të Drejtorisë Rajonale të Transportit në rrethin e Sarandës.
Ja pra kush është modeli i qeverisës së Edi Ramës.
Ja përse droga ka shpërthyer ngado.
Sepse Kryeministri jo vetëm u ka hapur rrugën trafikantëve, por u ka dorëzuar edhe zyrat e rëndësishme të shtetit.
