Fundjava e durrsakëve është tronditur nga një vrasje. Mësohet se një person, i identifikuar nga dëshmitarët si biznesmeni Shpëtim Shala, 39 vjeç është gjetur i vrarë me armë zjarri brenda një automjeti në një lokal në zonën e plazhit në Durrës.
Vrasja ka ndodhur në sektorin Iliria, ku Shala ka në pronësi disa dyqane. Policia ka rrethuar vendin e ngjarjes ndërkohë që ka shoqëruar disa persona.
Për policinë e Durrësit Shala është një person me precedentë penale dhe i skeduar për posedim lëndësh narkotike.
NJOFTIMI I POLICISË
Durrës, më 08.05.2016.
Informacion paraprak.
Me datë 08.05.2016, në lagjen Nr. 13, Plazh, në një rrugicë, në mjetin tip Volksvagen me targa AA 086 HJ, është gjetur i vrarë me armë zjarri shtetasi:
• Sh.Sh., banues në Durrës.
Në vendngjarje ndodhen Efektivat e Policisë, të cilët po punojnë për zbulimin e shkaqeve dhe zbardhjen e plotë të ngjarjes.
