Një banesë është shkrumbuar nga zjarri rreth orës 12:35 në qytetin bregdetar të Sarandës. Policia ka konfirmuar se nuk ka asnjë person të lënduar dhe se dyshohet se zjarri ka rënë nga shpërthimi i gazit të frigoriferit.
Bëhet e ditur se ngjarja ka ndodhur pranë vendit të quajtur “Lugu i Dardhës”, ku është përfshirë nga flakët banesa në pronësi të shtetasit: D.D. 55 vjeç.
Banesa ishte një-katëshe e përbërë nga dy dhoma, e cila për shkak të flakëve të zjarrit është djegur plotësisht, bashkë me orenditë shtëpiake.
