Karabinierët italianë kanë arrestuar dy shqiptarë ditën e djeshme. Sipas mediave lokale, gjatë një kontrolli të rastësishëm në zonën e Punta Marina në zonën e Ravenas, njëri nga shqiptarët ka shfaqur shenja nervozizmi, duke shtuar dyshimet e policëve.
Nga kontrolli 39 vjeçarit iu gjet një tub për vitamina në të cilin kishte 10 doza kokainë dhe disa qindra euro, ndërkohë në momentin e kontrollit shqiptari tjetër është parë të shkonte me nxitim në tualet.
Menjëherë karabinierët janë vënë në ndjekje të tij ku kanë zbuluar dhe një sasi tjetër kokaine që i përkiste 40 vjeçarit. Sakaq, gjykatësi ka urdhëruar arrest shtëpie për dy shqiptarët deri në mbylljen e hetimeve përfundimtare në 11 shtator.
