Tre të arrestuarit për një sërë akuzash si gjobëvënie dhe grup të strukturuar kriminal Emiljano Shullazi, Blerim Shullazi dhe Gilmando Dani, janë transferuar nga burgu 302 në Tiranë, duke u ndarë në burgje të ndryshme.
Drejtoria e Përgjithshme e Burgjeve ka urdhëruar transferimin nga burgu 302 i sigurisë së lartë për Emiljano Shullazin dhe grupin e tij.
Burimet të Lapsi.al thonë së Emiljano Shullazi është dërguar në paraburgimin e Elbasanit në sektorin “VIP” ku ka qëndruar deri para pak ditësh Vladimir Gjuta.
Janë transferuar gjithashtu edhe dy të arrestuarit e tjerë.
Të njëjtat burime thanë se Blerim Shullazil, i arrestuar bashkë me Emiljanon, është dërguar në paraburgimin 313-ës te rruga “Jordan Misja” ndërsa Gilmando Dani është dërguar ne burgun e Fushë-Krujës.
Burimet thanë se “i çuditshëm” është fakti që këta persona lënë një burg me siguri të lartë (302) dhe shkojnë në tre burgje me “siguri të zakonshme”.
Lëvizjet janë bërë rreth orës 18:00 të së martës.
