A po i marrin seriozisht ankesat mbi jetën e baterisë kompanitë e prodhimit të telefonave inteligjentë? Një thashetheme i ri i postuar nga uebsajti GSM Helpdesk sugjeron që Samsung po i merr seriozisht.
Sipas burimit të uebsajtit, Samsung po teston një version të Note 6 që ka një bateri gjigande 4,000 mAh, e cila do ishte një hap më lartë baterisë prej 3,600 mAH të Galaxy S7 Edge. Uebsajti pohon gjithashtu se pajisja do të ketë një ekran 5,8-inç me një rezolucion 1,440×2,560 pixelë, bashkë me 6GB RAM dhe 32GB hapësirë të brendshme.
Por të jemi të sinqertë: ajo çka është me të vërtetë intriguese është bateria gjigande.
Siç e përmendëm më parë, Galaxy S7 Edge i ka shtyrë gjërat përpara më herët këtë vit me baterinë e tij 3,600 mAh. Kryevepra e re e HTC, HTC 10 përmban një bateri 3,000 mAh, por HTC pretendon se ka zhvilluar një teknologji që do e lejojë atë të zgjasë dy ditë me një ngarkim të vetëm. Dhe vitin e kaluar Droid Turbo 2 përmbante një bateri 3,760 mAh, edhe pse ajo pajisje ishte më shumë një pajisje që ishte ekskluzive vetëm për Verizon.
Kështu një bateri 4,000 mAh do i shtyjë me të vërtetë gjërat përpara, veçanërisht kur mendon që Note 5 kishte një bateri “vetëm” 3,000 mAh. A do të thotë kjo që së shpejti të gjithë telefonat tanë do të zgjasin së paku dy ditë me një ngarkim të vetëm? Kjo do të ishte me të vërtetë e mrekullueshme por duhet të presim e të shohim.
