Janë 32 sanitare të spitalit rajonal dhe maternitetit të Kukësit të cilat janë larguar nga puna me motivacionin “Shkurtim i vendit të punës”.
Mëngjesin e sotëm, sanitaret kanë dalë në protestë duke kërkuar të rikthehen në punë. Njoftimin për largimin nga puna ato e kanë marrë me anë të postës. Sipas sanitareve, në vendin e punës së tyre janë vënë militantët partiakë.
Sanitaret i kanë kërkuar drejtuesve të spitalit të rishikojnë vendimin.Nga ana tjetër, mes lotëve ato kërkojnë punën e tyre në spital.
Ndërkohë, në përkrahje të protestës kanë dalë dhe Partia Demokratike në Kukës.
