Kreu i Partisë Demokratike, Lulzim Basha, ka dalë në një deklaratë për mediat për të thënë se Rama dhe Tahiri kanë humbur gjobvënësin e tyre, Emiljano Shullazi, ku dhjetra bizesmen prej kohësh janë kërcënuar nën armën e tij.
Lidhur me Vollgën, Basha tha se është monumenti kriminal i Bashës.
Ai tha se sot jo vetëm Tirana por gjithë Shqipëria ka shpëtuar prej frikës së Shullazit, i cili ka patur mbështetjen e Edi Ramës dhe Sajmir Tahirit. Dhe kjo, sipas Bashës, ka ndodhur nga denoncimi i Sali Berishës. “Tani po e merr vesh gjithë Shqipëria si bëhesh pasanik në shtetin Rama-Shullazi-Tahiri, duke gjobitur me armë në dorë, duke kërcënuar qytetarët, o jetën o pronën; o firmën, o pronën, o plumbin. Tirana dhe gjithë Shqipëria është më e lehtësuar nga arrestimi i kapobandës. Edi Rama dhe Saimir Tahiri janë në zi dhe tmerr se cfarë do të llapë ky“, tha Basha.
Kjo dalje e Bashës vjen pas deklaratave të fundit të Ramës. “Ai po bën cdo përpjekje për të larguar vëmendjen nga vërtetimi publik i lidhjes së tij me prova dhe me fakte, këtë bëri dhe sot në daljen para medias. Hija e Shullazit është e stampuar në portretin e tij që endet në zyrën që drejton përkohësisht”, tha Basha.
Ndër të tjera, Basha tha se nëse nuk do të ishte denoncuar dhe nuk do të ishte bërë një punë e mirë e prokurosisë dhe një mbështetje e Shteteve të Bashkuara të Amerikës, Shullazi nuk do të ishte sot në burg. Kjo pasi, sipas Bashës, Shullazi ka patur mbështetjen kryesore nga Kryeministri i vendit dhe Ministri i Mbrojtjes. “Prokuroria, pjesa jashtë kontrollit nga Edi Rama, ka vënë në pranga kreun e një bande që në 3 vite ka krijuar një shtet brenda shtetit. Asnjë fjalë nuk kanë thënë në mbështetje të Prokurorisë”, shtoi Basha.
Bold News
