Dy javë pas pretencës së Prokurorisë, korrieri i 1 milion eurove të kokainës Cesar Augusto Triana dënohet me 15 vite burg nga gjykata e krimeve të Rënda. Triana pranoi se kishte mbërritur në Shqipëri për të marrë 1 milion euro për llogari të dy trafikantëve që do sillnin 250 kg kokainë për llogari të një Shqiptari.
Kjo drogë u sekuestrua nga policia Malazeze në dyshemen e kontenierëve me banane të porositura nga firma shqiptare me seli në Fier Rrapo Company.
Nga kontrollet e policisë dhe hetimet e deri tanishmë prokuroria nuk mundi të gjej njëlidhje ndërmjet formës Shqiptare dhe Kokainës, por packa këtij dënimi të kolumbianit ajo që mbetet pa përgjigje është fakti se kush e porosity drogën në shqipëri.
Triana deklaroi se në Shqipëri mbërriti më 19 Maj në Rinas nga Barcelona me një ndalim në Romë dhe pasi qëndroi për afro 20 ditë në Tiranë, tentoi të largohej sapo pa në lajme se ish zbuluar sasia e drogës në Mal të Zi.
Vec dërguesve të drogës dhe shqiptarit që porosity kokainën nga këto hetimet mbeti mister dhe fakti se cfarë bëri Triana mbi 20 ditë në Shqipëri deri ditën e arrestimit më 10 prill 2015, kë takoi? Kush ishin porositësit e kokainës nga Shqipëria më kë foli në telefon dhe tek kush do merrte paratë?
