Bayern do ta mbajnë Manuel Neuer. Portieri më i mirë në botë ka rinovuar kontratën me rekordmenët gjermanë deri në vitin 2021. Me këtë lëvizje, Bayern i mbyll derën të gjithë atyre që e kërkonin. Në javët e fundit është përfolur shumë për një interes, sidomos nga ekipet angleze.
Por gjatë këtij muaji, menaxheri i Neuer është parë shpesh në “Allianz Arena”, pra negociatat ishin intensive. Tani ka ardhur marrëveshja! Sipas informacioneve të gjermanes BILD, Neuer do të jetë një nga lojtarët më të paguar të bavarezëve (afërsisht 15 milionë euro në vit). Neuer është një nga lojtarët kyç të ekipit gjerman. Ai i bashkohet grupit të Thomas Muller, Jerome Boateng, David Alaba dhe Javi Martinez. Të gjithë kanë rinovuar deri në vitin 2021.
