Një ngjarje e rëndë është shënuar në Gjirokastër, ku një foshnjë 7-muajshe ka humbur jetën gjatë transportimit me urgjencë drejt Spitalit Rajonal “Omer Nishani”.
Sipas raportimeve në media, ku foshnja është nisur me urgjencë për në spital, por fatkeqësisht nuk ka mundur të mbijetojë, duke ndërruar jetë gjatë rrugës.
Në lidhje me rastin, Policia ka referuar materialet në Prokurori dhe ka nisur procedimin penal ndaj dy mjekëve pediatër, të identifikuar me inicialet M. K. dhe E. K., me detyrë në Spitalin Rajonal Gjirokastër.
Sipas dyshimeve të deritanishme, dy mjekët kanë neglizhuar trajtimin mjekësor të foshnjës në dy raste gjatë vizitave të kryera përgjatë muajit korrik.
Hetimet synojnë të sqarojnë nëse ka pasur shkelje të detyrës dhe nëse këto veprime ose mosveprime kanë ndikuar në përkeqësimin e gjendjes shëndetësore të foshnjës.
Prokuroria, në bashkëpunim me organet hetimore, po vijon veprimet për zbardhjen e plotë të rrethanave të ngjarjes.
