Pamjet e rënda që shikoni më poshtë janë nga protesta e 54 qytetare, që po mbahet paraditen e kësaj të enjte te Kuvendi.
Dhjetëra qytetarë me brohorima dhe pankarta në duar kërkonin dorëheqjen e Ramës dhe kastës së vjetër politike, ndërsa revolta është përshkallëzuar në përplasje me policinë e shtetit.
Protestuesit kanë çarë bllokadën e policisë dhe gardhet metalike të vendosura rreth Kuvendit, ndërsa policia për ti shpërndarë ka përdorur gaz lotsjellës dhe piper, ku siç duket nga pamjet u ka shkaktuar protestuesve probleme në frymëmarrje, shikim dhe djegie në lëkurë.
Kjo është protesta e 54 qytetare kundër qeverisë së Ramës. Qytetarët kanë paralajmëruar se mobilizimi do të vazhdojë deri në largimin e këtij të fundit dhe plotësimin e kërkesave të tyre.
