Policia Kufitare ka gjobitur me 500 mijë dhe 510 mijë lekë dy drejtues gomonesh që lundruan pranë bregut në zonat e Potamit dhe “Plazhit të Hidrovorit”, duke rrezikuar sigurinë e pushuesve.
Njëra gomone u bllokua në Drimadhë pas denoncimit të qytetarëve, ndërsa drejtuesi i saj u ndëshkua për shkelje të rregullave të sigurisë detare.
Drejtuesi i gomones tjetër u gjobit pasi lundronte pranë bregut dhe nuk kishte dokumentacionin e detyrueshëm në bord.
Policia Kufitare njoftoi se kontrollet do të vijojnë gjatë gjithë sezonit turistik dhe u bëri thirrje qytetarëve të denoncojnë çdo shkelje që rrezikon sigurinë në det.
