Taulant Balla, në vazhdën e sulmeve të njëpasnjëshme që ka ndërmarrë ndaj protestuesve që kërkojnë dorëheqjen e Ramës dhe qeveri teknike, ka “zbuluar” se dy prej qytetarëve që protestojnë janë arrestuar nga Policia për drogë.
Ai thotë se bëhet fjalë për shtetasit e identifikuar si Egzon Azemi dhe Besnik Mujeci, të cilët janë vënë në pranga për shitje droge.
Mesa duket, Rama i ka angazhuar patronazhistët të skanojnë çdo protestues deri në rrënjë.
“Transparenca e Protestës, identifikojmë sorrat. Kur unë flas për sorra inkubatorësh të urrejtjes nga Prishtina dhe Tetova, të cilët maskohen si shqiponja diaspore e kam fjalën për tipa si këta në video që sigurisht nuk kanë si të jenë pro qeverisë së Tiranës.
Normal janë kundër Edi Ramës. Edhe kundër meje, pse jo. Sepse i kemi arrestuar me 11 mijë doza drogë”-shkruan Taulant Balla në postimin e tij.
