Katër nga protestuesit e ndaluar gjatë tensioneve që shoqëruan protestën e zhvilluar paraditen e sotme para Kuvendit të Shqipërisë do të kalojnë natën në qeli, ndërsa nesër pritet të dalin para Gjykatës së Tiranës për t’u njohur me masën e sigurisë.
Këto protestues përballen me akuzën “shkatërrim prone”.
Sipas të dhënave në total janë ndaluar 20 qytetarë gjatë protestës.
Një pjesë e tyre janë shoqëruar në komisariat për verifikime, ndërsa për katër protestues është vendosur masa e ndalimit, duke bërë që ata të qëndrojnë në qeli deri në seancën gjyqësore të parashikuar për ditën e nesërme.
Momentet e ndërhyrjes së policisë u shoqëruan me tensione dhe përplasje, ndërsa në pamjet e publikuara nga vendngjarja shihen efektivët duke arrestuar protestues mes shtyrjeve dhe kaosit të krijuar.
