Diaspora shqiptare iu bashkua sot protestës në ditën e 21-të, duke u rreshtuar krah qytetarëve në një manifestim të madh kundër qeverisë. Me pankarta dhe mesazhe të forta, protestuesit i drejtuan thirrje të drejtpërdrejta kryeministrit Edi Rama.
Një nga mesazhet më domethënëse erdhi nga shqiptarët që jetojnë jashtë vendit, të cilët theksuan sakrificat e bëra ndër vite për të mbështetur familjet e tyre në Shqipëri.
“Ne jemi ata që sakrifikuam gjithçka për familjet tona që të mbijetojnë në këtë vend, por ju na harruat”, ishte mesazhi i diasporës drejtuar kryeministrit.
Gjatë protestës, qytetarët deklaruan se i kanë lënë afat deri më 21 qershor Edi Ramës për t’u larguar nga detyra, ndërsa theksuan se ka ardhur koha që rinia të marrë në dorë të ardhmen e vendit.
