Një video që po qarkullon gjerësisht në rrjetet sociale ka prekur mijëra qytetarë. Protagonist është një djalë i vogël, i cili mes lotësh flet për protestat që po zhvillohen kundër qeverisë dhe shpreh emocionet e tij për situatën në vend.
Vogëlushi thotë se, megjithëse është ende i mitur, e kupton mirë atë që po ndodh dhe shpreson për një të ardhme më të mirë për Shqipërinë. Ai shprehet i lumtur që shqiptarët brenda dhe jashtë vendit po bashkohen në atë që e quan një revoltë qytetare.
“Po qaj me lot gëzimi, sepse më në fund po rregullohet vendi, vendi ku ke lindur. Është gëzim për mua. Jam akoma i vogël, por e kuptoj se çfarë ka ndodhur. Nuk është e drejtë ajo që u është bërë njerëzve. Gëzohem kur shoh njerëz të bashkuar që po vijnë dhe po bëjnë diçka për vendin”, shprehet ai.
Më tej, vogëlushi vlerëson mbështetjen e emigrantëve dhe solidaritetin që, sipas tij, po tregohet nga shqiptarët kudo që ndodhen.
“Nuk jemi vetëm ne, por e gjithë bota po na ndihmon. Kënaqem kur i shoh të gjithë bashkë. Mos u dorëzoni, sepse çdo gjë që bëhet së bashku del me sukses. Duhet të jemi të gjithë bashkë që ta mundim atë problem”, thotë ai në videon që është bërë virale në rrjetet sociale.
@oligertmustaSot ora 19:00 EJANI TË GJITHË NË PROTESTË💪🏻✌🏻 Merrni FLAMURIN, PLISIN dhe FISIN për SHQIPËRINË🇦🇱♬ original sound – Oligert Musta
