Një 55-vjeçar është zhdukur pa gjurmë një ditë më parë në Bulqizë, ndërsa familjarët e tij kanë bërë apel për ndihmë në gjetjen e tij.
Bëhet fjalë për Flamur Kolmarkun, i cili sipas të afërmve vuan nga demenca dhe ka probleme të theksuara me kujtesën. Mësohet se Kolmarku ka shërbyer në Gardën e Republikës deri rreth tre vite më parë. S
ipas familjarëve, mjekët që e kanë trajtuar kanë sugjeruar se ai mund të jetë drejtuar drejt zonave ku ka jetuar më herët, si Mamurrasi, Rubiku apo Kurbneshi në Rrëshen, pasi në raste të tilla tek personat që vuajnë nga demenca mund të rikthehen kujtime të fëmijërisë dhe të së kaluarës.
Sipas informacioneve të fundit, 55-vjeçari është parë në Bulqizë, në drejtim të Burrelit, ndërsa që prej atij momenti nuk dihet asgjë për vendndodhjen e tij.
Familjarët u bëjnë thirrje qytetarëve që mund ta kenë parë ose që disponojnë informacione mbi vendndodhjen e Flamur Kolmarkut, të kontaktojnë sa më parë me ta në numrin e telefonit +355 68 206 5729.
