Deputeti i Partisë Demokratike, Belind Këlliçi, ka reaguar në rrjetet sociale ndaj ministrit të Jashtëm Ferit Hoxha, pas zhvillimeve të fundit ku Hoxha i është drejtuar shqiptarëve të Maqedonisë së Veriut, “po ata idiotët shqiptarë atje çfarë thonë?”, në një komunikim në një grup.
Në postimin e tij, Këlliçi shprehet se situata nuk mund të justifikohet me arsye si “time zone të ndryshme” apo “dalja nga grupet e WhatsApp”, duke e cilësuar sjelljen e ministrit si të papranueshme dhe të dëmshme për imazhin institucional.
Ai kërkon që Hoxha të mbajë përgjegjësi politike, duke i bërë thirrje për dorëheqje dhe një kërkim faljeje publike.
Postimi i plotë:
Ferit nuk ke pse vazhdon e diskretitohesh!!!
Nuk të mbron dot as time zones të ndryshme dhe as dalja nga grupet e whatsapp! Je thjesht skandaloz dhe këtë po e fakton nga ora në orë!
Jep dorëheqjen dhe kërko falje publike për këtë turp e skandal të pashembullt!
