Ministri për Evropën dhe Punët e Jashtme, Ferit Hoxha, ka zhvilluar këtë të diel një takim me përfaqësues të qeverisë së Kosovës, në Prishtinë.
Në krah të homologut të tij, Glauk Konjufca, Hoxha deklaroi se Kosova është, sipas tij, prioritet absolut për politikën e jashtme të Shqipërisë.
Ai thotë se ka shkuar në Kosovë për të transmetuar atë që ka theksuar vetë Edi Rama, se “kush prek Kosovën, prek Shqipërinë”.
“Kosova është prioritet absolut i politikës sonë të jashtme. Është një dimension i qartë dhe i pandryshueshëm i qeverisë dhe shtetit shqiptar. Ajo që ndodh në Kosovë ka rëndësi të drejtpërdrejtë për Shqipërinë në një lidhje të ndërsjellë dhe të pandashme, sepse përparimi i Republikës së Kosovës dhe ai i Shqipërisë ecin krah për krah. Kam ardhur këtu sot për të transmetuar atë që ka theksuar qartë Kryeministri Rama: kush prek Kosovën, prek Shqipërinë. Ramë dakord se dinamikat gjeopolitike në rajon dhe në Evropë kërkojnë një intensifikim të mëtejshëm të koordinimit ndërqeveritar dhe diplomatik”, tha Hoxha.
Ndërkohë, ky takim dhe kjo deklaratë vjen pak kohë pasi në media u raportua se qeveria shqiptare shpalli “non grata”, ministren e Kosovës, Donika Gërvalla, pasi kjo e fundit kritikoi draftin e përbashkët Rama-Vuçiç lidhur me integrimin në BE.
Mesaduket, Rama ka dërguar Ferit Hoxhën në Kosovë të transmetojë mesazhin fasadë, teksa vetë ai nuk i prish raportet me vëllain e tij Vuçiç.
LEXO EDHE:
Feriti që shpalli non grata Donika Gërvallën nesër niset për Kosovë
