Ministri për Evropën dhe Punët e Jashtme, Ferit Hoxha, nesër do të vizitojë Kosovën.
Hoxha do të pritet në takim nga ushtruesja e detyrës së Presidentit të Republikës së Kosovës, Albulena Haxhiu. Hoxha dhe Haxhiu do të takohen në orën 10:00.
“Në orën 10:00, Ushtruesja e Detyrës së Presidentit të Republikës së Kosovës, Albulena Haxhiu, pret në takim Ministrin për Evropën dhe Punët e Jashtme të Republikës së Shqipërisë, Ferit Hoxha”, thuhet në njoftimin e Presidencës.
Kujtojmë që Donika Gërvalla kritikoi ashpër letrën e përbashkët të Edi Ramës me Aleksandar Vuçiç drejtuar BE-së, ku kërkohej një formë anëtarësimi pa të drejta të plota.
Gërvalla tha se Rama po e ndihmonte Vuçiçin në momente të vështira dhe se çdo marrëdhënie Shqipëri–Serbi duhet të kalojë përmes Kosovës.
Si hakmarrje Rama urdhëroi ministrin e Jashtëm, Ferit Hoxhën, të pamundësonte çdo vizitë zyrtare të Gërvallës në Shqipëri.
