Një plagosje me thikë është regjistruar në lagjen “Barrikadë” në Berat, ku një 48-vjeçar mbeti i lënduar.
Pas ngjarjes së rëndë, Policia bëri të mundur identifikimin dhe arrestimin e autorit të dyshuar, shtetasit A. T., 39 vjeç, banues në Berat.
Nga hetimet paraprake dyshohet se ai ka plagosur me mjet prerës (thikë) shtetasin D. N., gjatë një konflikti të çastit.
I dëmtuari ndodhet jashtë rrezikut për jetën, ndërsa policia vijon hetimet për zbardhjen e plotë të rrethanave të ngjarjes.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
