Gazetari Genc Burimi ka folur për situatën politike të kryeministrit Edi Rama, duke thënë se në ditët e fundit ai duket i tensionuar për shkak të zhvillimeve dhe lajmeve që po dalin në publik.
Sipas Burimit, nuk përjashtohet mundësia që kryeministri të konsiderojë edhe skenarin e zgjedhjeve të parakohshme si një mënyrë për të fituar kohë dhe për të forcuar pozicionin politik.
“Ajo që unë pres tani është të ketë një reagim ndryshe nga gazetarët, një lloj solidariteti. Po ashtu mendoj se raporti i ardhshëm që do të dali i Reporterëve pa Kufij, që zakonisht del nga fundi i pranverës, nga prilli, do ta integrojë dhe këtë gjë që është një gjë shumë, shumë e rëndë sepse është e palejueshme që të mbash një diskurs pro-europian dhe të sillesh si një autokrat. Sigurisht që u kujdes Rama që përjashtimin të mos ta bënte publikisht, e paska bërë në kulisa, por efekti ngelet i njëjtë. Dhe ajo që më bëri përshtypje po ashtu është se u kap me një lojë fjalësh tek, jo e thashë se s’e thashë për punën e bllokimit për dritat, por e ke dhe më të vonë akoma, ke rastin e ndryshimit të ligjit për t’u për të burgosur në rast parkingu dysh.
Por thjesht lojë fjalësh, kërkonte të fitonte kohë, të ndërronte vëmendjen. Është, Rama në këto ditë. Po dalin lajme, flas një që në Vlorë, ku ka qenë sot aty ka qenë shumë i nxehur, i nervikosur dhe ka diçka që i peshon. Dhe nëse më lejon pak më shumë ta zgjeroj analizën.
Kam përshtypjen se ai është duke menduar, pse jo, zgjedhjet e parakohshme mund t’i shërbejnë edhe atij. Për të fituar kohë, për t’i vjedhur prapë ndoshta, dhe për t’u thënë të gjithëve shikoni, unë jam i fortë. Rama kohët e fundit ë po jep atë imazhin e dikujt që kërkon ta riangazhojë partinë e tij në zgjedhjet bashkiake vitin e ardhshme. Jemi shumë herët. Jemi shumë herët, jemi 1 vit e 2 muaj përpara.
Për mendimin tim ai nuk e skarcon këtë mundësi sepse ju e patë për shembull për Tiranën, ai që është shumë i i dëshiruar për të bërë zgjedhje të parakohshme në Tiranë. Kuptohet me Velinë. Dhe tani e kuptojmë pse deshi ta bënte në shtator, sepse në shtator kur Rama i kishte të gjitha dijenitë që po shtrëngohej laku rreth Ballukut.
Pra ndërmori dy masa, e emëroi Ballukun zëvendëskryeministre, e dinte këtë gjë, sikur i jepte si të thuash një, i jepte një proteksion të dyfishtë. Përveç proteksionit si mbrojtës i deputetes, i jepte dhe një mbrojtje si zv/kryeministre dhe në moment mbrapa pastaj sapo e emëroi zv/kryeministre, hapi debatin për zgjedhjet e parakohshme në Tiranë. Kështu që zgjedhjet e parakohshme atë nuk e frikësojnë, siç duket.
Dhe këtu unë e shoh tani topin nga ana e PD-së. Le të flasim pak për PD-në. Sot për shembull, te PD-ja, lajmi kryesor sot qe për shembull zgjedhja e brendshme e PD-së. Dhe PD-ja sot po përgatitet aty. Por në qoftë se, për mendimin tim, PD-ja sot duhet të zgjedhë strategjinë e saj. Sot unë të shoh, me sa kuptoj, është që baza është e ndarë në dy pjesë, një bazë që kërkon radikalizim, dhe një bazë që ndjek atë që vendos kryesia e PD-së. Po. Dhe këtë duhet të bëjë sot kjo PD.
E tha paqësore, por unë shoh reagimet në rrjetet sociale, por dhe vetë që kam qenë nëpër emisione, që një sërë njerëzish ishin pak të zhgënjyer me atë reagim jo në nivelin e duhur ditën e 12 marsit. Nëse kishe një ditë kur kjo opozitë duhet të bënte ‘namin’, për atë që kam lexuar nga baza, ishte 12 marsi’, tha Burimi në emisionin ‘Task Force’ me Sonila Meçon në SYRI TV.
