Detaje të reja janë zbuluar në lidhje me tritolin e vendosur pak ditë më parë, në një automjet në rrugën “Vasil Ndoçka” në Tranë.
Sabah Nuzi kishte porositur shtetasin Jurgen Gjonaj që të vendoste eksplozivin në automjetin e Oltjon Klosit. Sipas informacioneve në media, Nuzi kishte konflikt prej disa kohësh me Klosin për shkak të një shume prej 15 mijë eurosh.
Borxhi është marrë jashtë shtetit, në Spanjë, ku sipas policisë janë lekë të pazareve të drogës.
Klosi pretendonte se e ka shlyer borxhin, por Nuzi nga ana tjetër pretendonte se i dëmtuari i detyrohet edhe 15 mijë euro. Pasi Klosi ka refuzuar për të paguar shumën, Sabah Nuzi ka urdhëruar Gjonajn ti vendosin Oltjon Klosit tritol te makina. Gjonaj në bashkëpunim më disa persona të tjerë, tashmë të arrestuar ka vendosur lëndën plasëse, e cila fatmirësisht nuk përfundoi me të lënduar.
Shtatë personat e tjerë të arrestuar në lidhuje me ngjarjen, janë Jurgen Gjonaj, Renato Balla, Kristjan Ahmerama dhe Eklips Leti, Glentjan Kojtari, Dorjan Hamolli dhe Geris Molla. Vetë Sabah Nuzi, porositësi i tritolit, ndodhet në IEVP e Fushë Krujës.
