Kreu i Inspektorati Kombëtar i Mbrojtjes së Territorit, Afrim Qëndro, ka liruar nga detyra sot Klesti Çelën dhe Ervin Bixhen, që mbante postin e këshilltarit pranë kryeinspektorit.
Shkarkimet vijnë në një kohë kur brenda institucionit ka pasur përplasje të forta, ku u raportua se drejtori i Mjedisit, Klesti Çela, dhunoi Drejtorin e Ekzekutimit të Vendimeve, Fatmir Meta, për shkak të mosmarrëveshjeve në kompetenca dhe ndërhyrjeve në punët e njësive të inspektimit.
Qendro shkarkoi dhe Bixhën i cili është vëllai i Elgert Bixhës, emër i lidhur me Ergys Agasin, biznesin në kërkim pas hetimeve të dosjes së AKSHI.
Sipas burimeve, Çela ka qenë i shoqëruar nga tre persona të tjerë gjatë sulmit ndaj Metës.
