Durim Bami ka kërkuar ndryshim të vendit të vuajtjes së paraburgimit vetëm një ditë pasi u ekstradua nga Dubai drejt Shqipërisë.
Përmes një shkrese drejtuar Drejtorisë së Përgjithshme të Burgjeve, mbrojtja e tij kërkon që ai të mos qëndrojë në IEVP “Jordan Misja” (i njohur si burgu “313”) në Tiranë, por të transferohet në burgun e Fushë-Krujës. Sipas avokatit, në ambientet aktuale i rrezikohet jeta.
Në kërkesën e paraqitur, mbrojtja pretendon se në burgun ku ai mbahet aktualisht ndodhen persona që në të kaluarën kanë siguruar kushte për vrasjen e tij, çka sipas tij e vendos në rrezik për jetën.
Në të njëjtën shkresë thuhet se gjatë takimit të zhvilluar më 27 shkurt 2026 në ambientet e IEVP “Jordan Misja”, Bami paraqitet në gjendje jo të mirë shëndetësore, në stres të vazhdueshëm dhe i shqetësuar për sigurinë e tij.
Bami, 47 vjeç, banues në Nikël, Krujë u arrestua në kuadër të operacionit ndërkombëtar të koduar “The Wanted”, për lokalizimin, kapjen dhe finalizimin e procedurave të ekstradimit të shtetasve të shpallur në kërkim ndërkombëtar.
GJKKO, më datë 15.05.2024, i ka caktuar këtij shtetasi, masën e sigurisë “Arrest në burg”, për veprat penale “Sigurimi i kushteve dhe i mjeteve materiale për të kryer vrasje”, “Grupi i strukturuar kriminal”, “Kultivimi i bimëve narkotike” dhe “Kryerja e veprave penale nga organizata kriminale, ose grup i strukturuar kriminal”.
LEXO EDHE
