Si gjithmonë, pas fatkeqësive që nxjerrin zbuluar paaftësinë dhe vjedhjet e socialistëve, Ministri i Mbrojtjes Pirro Vengu është zgjuar nga gjumi dhe bën “sikur punon ” së bashku me Shefin e Shtabit të Përgjithshëm të Forcave të Armatosura, Arben Kingji, Kreun e Emergjencave Civile Haki Çako dhe drejtorin e Agjencisë për Industrinë e Mbrojtjes, Dorian Tola.
Për dëmet në bujqësi dhe blegtori, Vengu tha se do të jetë gati një paketë kompensimi. Ndërsa sa i takon fondit të kushtëzuar për mbrojtjen civile, theksoi se është konkluduar si proces më herët se vitet e shkuara.
“Kemi një rritje të konsiderueshmë për 47 bashki, një shumëfishim për shumë bashki të cilat ndër vite nuk kanë pasur instrument financiar. Të rrisin flotat e emergjencave, të kompensojnë dëmet, jo domosdoshmërisht duke pritur një akt normativ nga qeveria”, njoftoi më tej.
Ka po ashtu një rritje të fondit të investimeve për infrastrukturën parandaluese, me 18 milion euro.
“Janë të dedikuara për projekte që janë në zbatim e sipër, diga, prita lumore, ura, riparime, rehabilitime. Nga ana tjetër, 10 milion euro financim shtesë për projekte të reja në dispozicon të bashkive, këtë javë finalizohet procesi i alokimit”, nënvizoi Vengu.
Pas skandalit që u shënua në aksin Librazhd-Prrenjas, deklaroi se “Do të mbështesim pritat lumore përgjatë Shkumbinit, që të parandalojmë rrëshqitjet apo gërryerjet lumore në të ardhmen”.
Mbetet për tu parë se sa do realizohen, apo do vjedhin dhe flenë gjumë sërish deri në skandalin e rradhës.
