Protesta kombëtare e opozitës po vijon ende në këto momente, mes një pjesëmarrjeje të gjerë qytetarësh nga i gjithë vendi.
Tubimi, i cili nisi si një manifestim për të shprehur pakënaqësitë dhe kërkesat politike të opozitës, është shoqëruar me tensione të shtuara në terren.
Pak minuta më parë është raportuar një incident i rëndë, ku forcat e policisë kanë konfrontuar deputetin e Partisë Demokratike, Bledion Nallbati.
Sipas dëshmive dhe pamjeve që nga vendngjarja, deputeti është shtyrë dhe goditur me shkop gome, ndërsa më pas i është hedhur gaz lotsjellës në fytyrë.
Sipas informacioneve ai është transportuar në urgjencë ndërsa nuk dihet saktësisht si është gjendja e tij.
