Genard dhe Sonida Hajdini (vëlla e motër), të njohur ndryshe si dy personazhet më viralë në rrjete sociale, janë shtruar në spitalin e Psikiatrisë.
Sipas raportimeve, shtrimi i tyre në spital ka ardhur pas publikimit të disa pamjeve intime të Sonidës, të cilat Genardi i publikoi në rrjete sociale duke shkaktuar reagime të forta dhe duke ngritur shqetësime serioze për gjendjen e saj.
Sipas njoftimit të Ministrisë së Shëndetësisë, dyshja është shtruar në psikiatri ku Sonida po merr trajtim mjekësore, ndërsa rasti është referuar në Prokurori.
“Pas publikimit në faqen e Instagram-it të shtetasit G.H., ku shfaqej në mënyrë të papërshtatshme motra e tij, shtetasja S.H., strukturat sociale vendore të Njësisë Administrative nr. 2, së bashku me stafin mjekësor të Qendrës Shëndetësore nr. 1 dhe oficerët e policisë të Komisariatit nr. 1, bënë vlerësimin e gjendjes së shtetases S.H.
Gjatë intervistimit, u shpreh se videoja kishte si qëllim ndjekjen virale të vetë personazhit dhe jo elementë dhune apo qëllime dashakeqësie. Videoja është fshirë nga vetë G.H., pas urdhrit të policisë.
Aktualisht, ata ndodhen të shtruar për një shërbim më të specializuar mjekësor në spitalin psikiatrik të Tiranës, ndërsa nga ana e organeve kompetente materialet janë referuar në prokurori, sipas edhe rekomandimit tonë”,- thuhet në njoftim.
