Kryetari i Partisë Demokratike, Sali Berisha ka deklaruar këtë të premte se kryetari i Kuvendit, Niko Peleshi ka censuruar mesazhin e Departamentit Amerikan të Shtetit.
Në konferencë me gazetarët, Berisha deklaroi se në mesazhin e DASH theksohej qartë lufta kundër organizatave kriminale transnacionale, por Niko Peleshi, sipas tij e ka hequr këtë pjesë, duke treguar vetëm partneritetin strategjik Shqipëri-SHBA.
Sipas Berishës, kjo kupton ‘rrezikun që kartelet shqiptare dhe organizatat e drogës paraqesin për vendet e tjera’.
“Ju e patë edhe sot, pavarësisht se Peleshi i parlamentit e kishte hequr, por në takimin që bëri në Departamentin e Shtetit, citohej fjalë për fjalë lufta kundër organizatave kriminale transnacionale, çka parakupton rrezikun që kartelet shqiptare dhe organizatat e drogës paraqesin për vendet e tjera. Dhe ai e censuron, duhet të lexojmë njoftimin e departamentit për të marrë vesh të vërtetën e njoftimeve të SHBA.
Këta janë bashkëpunëtorë në krim. Niko Peleshi që bën këtë censurë është bashkëpunëtor në krimet e Edi Ramës. Ndaj dhe njëherë rruga e vetme është kryengritja paqësore. Nuk kanë asnjë interes përveç vjedhjeve për pasurim të tyre”,- deklaroi Berisha.
