Me një firmë të vetme, drejtoresha e përgjithshme e Agjencisë Shtetërore të Kadastrës, Lorena Goxhobelli, ka vulosur mbylljen e strukturave vendore të Kadastrës në Vlorë.
Vendimi, i cili hyn në fuqi më 1 shkurt 2026, i heq qytetit bregdetar shërbimet e menaxhimit të pronave, duke i kaluar ato në kryeqytet.
Sipas dokumentit zyrtar, ky hap justifikohet me “përmirësimin e organizimit të punës” dhe “rritjen e eficencës”. Por për qytetarët e Vlorës, kjo është një tjetër goditje ndaj aksesit në shërbime publike.
Në vend që të lehtësojë jetën e banorëve, shpikja e Lorenës së ASHK i detyron ata të udhëtojnë drejt Tiranës për çdo dokument pronësie, duke shtuar kosto dhe burokraci.
Gjatë drejtimit të Lorena Goxhobellit në krye të Kadastrës, institucioni është përfshirë në një sërë skandalesh që lidhen me abuzime me pronat publike, legalizime të paligjshme dhe korrupsion të përhapur.
Raportet e Kontrollit të Lartë të Shtetit kanë evidentuar qindra shkelje në proceset e legalizimeve, duke treguar se praktikat e ndjekura kanë shpërfillur ligjin dhe kanë favorizuar individë të caktuar në mënyrë të padrejtë.
Një nga akuzat më të rënda ka qenë shpërdorimi i detyrës përmes legalizimeve të paligjshme.
