Policia e Tiranës ka duke goditur tre raste të ushtrimit të prostitucionit në apartamente me qira.
Gjatë aksionit u zbuluan tre apartamente në rrugët “Ibrahim Rugova”, “Hoxha Tahsim” dhe “Myslym Shyri”, ku dyshohej se ushtrohej prostitucion.
Si rezultat, u arrestuan tre shtetase kolumbiane: M. L., 21 vjeçe, V. Y., 25 vjeçe dhe L. D., 35 vjeçe, të cilat ushtronin prostitucion në një apartament të marrë me qira në rrugën “Ibrahim Rugova”.
Në pranga ra edhe një shtetas spanjoll, J. D., 26 vjeç, i dyshuar se shfrytëzonte tre kolumbianet për këtë veprimtari kriminale. Ndërkohë, u sekuestruan një shumë parash, e dyshuar se ishte përfituar nga prostitucioni, si dhe disa celularë.
Prokuroria e Tiranës ka nisur procedimin penal edhe për dy shtetase shqiptare, V. O., 34 vjeçe dhe S. Sh., 24 vjeçe, të cilat ushtronin prostitucion në dy apartamente të tjera me qira, respektivisht në rrugën “Hoxha Tahsim” dhe “Myslym Shyri”.
