Ish-deputeti i Partisë Demokratike, Ervin Salianji, vijoi ditën e sotme turin e takimeve me bazën e mbështetësve, duke u ndalur në qytetin e Lezhës.
Ai nënvizoi se turin e takimeve me demokratët në çdo cep të Shqipërisë do ta vijojë pa u ndalur, me synimin kryesor për ta bërë Partinë Demokratike fituese.
Salianji bëri thirrje për bashkim pas 13 viteve në opozitë, duke kërkuar lënien pas të ndasive dhe bashkimin e gjithë popullit opozitar rreth PD-së.
Salianji u ndal edhe te vështirësitë e demokratëve, duke përmendur sakrificat e tyre dhe skandalet e përditshme të qeverisë. Ai theksoi se opozita ka humbur apo i janë vjedhur zgjedhjet, duke kërkuar që kjo të thuhet hapur.
“Duhet të respektojmë mendimet tona dhe të bashkohemi si bashkëudhëtarë në këtë udhëtim politik të lodhshëm, por krenar. Lezha meriton respektin e të gjithë PD dhe Shqipërisë. Mirënjohje të thellë për strukturat e partisë në Lezhë e Kubrin për gjithcka kanë bërë për PD, për moralin e lartë që I kanë mbajtur kokën lart PD edhe në ditët më të vështira.
Pavarësisht sakrificës së demokratëve dhe skandaleve të përditshme të qeverisë, ne jemi ende në opozitë. Kemi humbur apo na I kanë vjedhur zgjedhjet, për këtë duhet të flasim hapur. Kush e ka përgjegjësinë për vjedhjen e zgjedhjeve në mënyrë të përsëritur, kush e ka fajin për listat e PD, për humbjet që sfidojnë edhe matematikën në disa qarqe, kush e ka fajin që humbësat promovohen dhe demokratët që luftojnë dergjen në opozitë.
A mund të ne ecim përpara me në këto kushte duke ditur kush është zgjidhja dhe ccfarë do të ndodhë nëse nuk ndryshojmë kurs, nëse nuk vendosim parime nëse nuk e cclirojmë potencialin e demokratëve, një potencial I jashtëzakonshëm” tha Salianji.
