Gazetari Ferdinand Dervishi i ftuar në emisionin “Kjo Javë”, ka folur për hetimet që lidhen me ndërhyrjen në sistemet e SPAK, duke sqaruar se bëhet fjalë më shumë për një dështim të sigurisë së brendshme sesa për një sulm klasik hakerimi.
Ai shpjegoi se dikush kishte tentuar të hynte në faqen zyrtare të SPAK, ku shfaqej një faqe që kërkonte kredenciale hyrjeje dhe ku figuronin edhe emrat e prokurorëve. S
ipas tij, hyrja nuk ishte rezultat i ndonjë sulmi të avancuar kibernetik.
“Si ka mundësi që flasim për SPAK dhe të futesh kaq thjesht në faqen zyrtare, ku nëse ke fjalëkalimin e një prokurori, hyn direkt te puna e tij, te dosjet sekrete dhe materialet hetimore?”, u shpreh ai.
Sipas Dervishit, tre personat që akuzohen për këtë rast kanë pasur lidhje të mëparshme me njëri-tjetrin dhe kanë qenë funksionarë pranë Drejtorisë së Burgjeve.
“Këta tre persona kanë pasur një lidhje midis tyre nga drejtoria e burgjeve, kanë qenë funksionarë dhe i kishte hequr nga puna Ulsi Manja”, u shpreh Dervishi.
