Lumi Vjosa ka dalë sërish nga shtrati këtë të diel, duke arritur një nivel rreziku uji deri në 7.45 metra.
Sipas raportimeve, niveli i lartë i ujit është konstatuar pranë Urës së Mifolit, ku si pasojë është përmbytur edhe tregu i Mifolit.
Raportohet se prurjet vijojnë me intensitet të lartë, ndërsa kjo situatë paralajmëron një rritje të mëtejshme të nivelit të Vjosës, që pritet të arrijë deri në 8.5 apo 9 metra në orët në vijim.
Ndërkohë, situata ka krijuar panik te banorët në zonat pranë shtratit të lumit, të cilët kanë marrë masat e nevojshme për evakuim nëse do të njoftohet.
