Një aksident i rëndë ka ndodhur mbrëmjen e djeshme në daljen e Fushë-Krujës, ku ka humbur jetën 18-vjeçari Irdi Laçi.
Sipas informacionit të parë, ai ka qenë duke shtyrë një automjet të tipit “Mercedes” që kishte ndaluar në mes të rrugës, kur është përplasur nga një fuoristradë që po kalonte.
Shoferi i fuoristradës ka ndaluar pas aksidentit dhe është dorëzuar në polici. Aktualisht, hetimet janë në vijim për të zbardhur rrethanat e ngjarjes dhe për të përcaktuar shkakun e aksidentit.
Policia po punon për të mbledhur prova dhe për të sqaruar çdo detaj të ngjarjes tragjike.
