Drejtori i Drejtorisë së Përgjithshme të Komisionit Evropian për Lindjen e Mesme, Afrikën e Veriut dhe Gjirin Persik, Stefano Sanino, u arrestua në Belgjikë si pjesë e një hetimi për mashtrim të dyshuar financiar në lidhje me financimin e Kolegjit të Evropës në Bruges, dhe drejtoresha e këtij institucioni të arsimit të lartë, Federica Mogherini u arrestua gjithashtu, mësoi Euractiv nga burime të njohura me hetimin.
Sannino, ish-Sekretari i Përgjithshëm i Shërbimit Evropian të Veprimit të Jashtëm (EEAS) në kohën kur u themelua Kolegji, dhe ish-shefja e diplomacisë së BE-së nga viti 2014 deri në vitin 2019, Federica Mogherini, ishin midis tre të arrestuarve për korrupsion të dyshuar, dhe sipas burimeve, u arrestua edhe një punonjës i Kolegjit të Evropës nga departamenti i arsimit ekzekutiv.
Sipas Zyrës së Prokurorit Publik Evropian, këto ndalime janë pjesë e një hetimi për dyshime për favorizim dhe konkurrencë të padrejtë.
Me kërkesë të prokurorisë, policia federale ndërhyri në shërbimin diplomatik të Bashkimit Evropian në Bruksel (EESA), në disa ndërtesa të Kolegjit të Evropës në Bruges dhe në shtëpitë e të dyshuarve. Hetimi lidhet me dhënien e një programi trajnimi nëntëmujor për diplomatët e ardhshëm evropianë nga Shërbimi Evropian i Veprimit të Jashtëm (EEAS) për Kolegjin prestigjioz të Evropës.
Shkeljet e dyshuara datojnë nga periudha 2021-2022.
Siç u tha, veprat penale të mundshme përfshijnë “mashtrimin gjatë dhënies së kontratave publike”, si dhe “korrupsionin, konfliktin e interesit dhe shkeljen e sekretit profesional”.
LEXO EDHE:
Arrestohet ish-shefja e Politikës së Jashtme në BE, Federica Mogherini. Mike e Ramës
