Vrasja e biznesmenit Mond Mëhalla në Elbasan, vijon të jetë në sitën e hetimeve teksa detaje të reja dalin në dritë.
Mëhalla u ekzekutua pak minuta pas daljes nga karburanti “Xhaxhi Oil” në pronësi të tij, nga persona ende të paidentifikuar, ndërsa bëhet me dije se lëvizjet e fundit të biznesmenit kanë qënë drejt Spanjës.
Raportohet gjithashtu se janë verifikuar dhe orët e fundit të viktimës, ku janë pyetur edhe familjarët e tij, dhe rezulton se ai para vrasjes kishte qenë jashtë Elbasanit bashke me anëtarët e familjes.
Nuk dihet nëse vrasja lidhet me lëvizjet e tij jashtë vendit, nisur nga fakti se Mëhalla rezultonte një person me precedent të mëparshëm penal, ndërsa pista kryesore e hetimit është një lidhje e mundshme me grupe kriminale.
Mond Mëhalla, u ekzekutua një natë më parë brenda makinës së tij tip “Range Rover” pranë karburant “Xhaxhi Oil” në pronësi të tij në Elbasan. Një prej autorëve ka qëlluar me pesë plumba biznesmenin, dy prej të cilve i ka marrë në kokë.
Autorët e dyshuar pas vrasjes u larguan në drejtim të aksit Elbasan-Librazhd. Ndërsa këtë të hënë u gjet një makinë e djegur në fshatin Mirakë që dyshohet se është përdorur në krim.
