Një apartament është përfshirë nga flakët mbrëmjen e kësaj të premte në rrugën “Isuf Sokoli” në Shkodër.
Apartamenti ndodhej në katin e tretë të një pallati dhe brenda tij ndodheshin dy të moshuar , të cilët fatmirësisht kanë arritur të dalin, pa pësuar lëndime.
Zjarri është vënë në kontroll, ndërsa raportohet se si pasojë e flakëve është ndërprerë energjia elektrike në gjithë zonën.
Shkak për zjarrin dyshohet të jetë bërë një defekt në rrjetin e furnizimit me energji elektrike.
